XX. mendeko Euskararen Corpus estatistikoa
Testuingurua
1904 Euskal-itz jostaldien Batzarrea (Euskal-festen XXIII-garren urtea) Mendikota-ko lurruspe ezkutapetsuba Larogei pezetako sari bat eta bitezarra Villafranca-n irabazitako moldaera SarreraGure Diputazio jaun chit aundiyak aurtengo Euskal-festetan nai du, arrazoi aundiz eta gogo onarekin alare, kondaira zarreko kontubak azaltzea, oraindik izkribatu gabeak batezere, eta onetaraxe noa ni orañ artzen dedan lan onekin.
Adieraziko det Gipuzkoa-ko gertaera larri bat, iñork beñere izkribatu ez dubana, nik dakidala beintzat.
MendikotaGipuzkoa-ko erri chiki Albiztur-en gañean, sortegi-aldetik, Gorostidi eta Intsurbia deritzayoten baserriyen ondoan, Tolosa-tik Erniora bidean, ttente-ttente dago mendi tontor borobill bat, gaztelu antz oso-osoa dubana, ormatzar gogorrez eta murrubaz inguratuba, ezagun-ezagun dubala gizonen eskubak ibilli diradela an noizbait.
Aztu eziñ zat, urteak joan badira ere, mendi gañ orretara lagun batzubekin egin noan ibilli alai eta gozoa.